1711704753
კონფლიქტები
ალექსანდრე სირსკი: უკრაინაში დამატებით 500 000 ადამიანის მობილიზება საჭირო აღარ არის
უკრაინის შეიარაღებული ძალების მთავარსარდალმა ალექსანდრე სირსკიმ განაცხადა, რომ 500 000 ადამიანის მობილიზება საჭირო აღარ არის. ამის შესახებ მან Ukrinform-თან ინტერვიუში აღნიშნა.
„ჩვენი შიდა რესურსების გადახედვისა და შეიარაღებული ძალების სიძლიერის დაზუსტების შემდეგ ეს მაჩვენებელი საგრძნობლად შემცირდა. ვფიქრობთ, სამშობლოს დასაცავად საკმარისი რაოდენობის ადამიანები გვეყოლება. საუბარია არა მხოლოდ მობილიზებულ ადამიანებზე, არამედ - მოხალისეებზეც“, - აღნიშნა სირსკიმ.
მისი თქმით, გარკვეული სამხედრო ნაწილების რაოდენობა, რომლებიც საომარ მოქმედებებში არ მონაწილეობენ, მათი საქმიანობის აუდიტის საფუძველზე გადაიხედება.
„ამან საშუალება მოგვცა, ათასობით სამხედრო საბრძოლო ნაწილებში გაგვეგზავნა“, - განაცხადა უკრაინის შეიარაღებული ძალების მთავარსარდალმა.
