1713465395
კონფლიქტები
შოლცი: ვიმედოვნებ, ნატოს წევრები უკრაინას მალე მიაწვდიან „პატრიოტის“ ტიპის საჰაერო თავდაცვის სისტემებს
ნატოს პარტნიორებმა უკრაინას „პეტრიოტის“ საჰაერო თავდაცვის სისტემის დამატებით 6 კომპლექსი შეიძლება გადასცენ, - ამის შესახებ დღეს გერმანიის კანცლერმა ოლაფ შოლცმა განაცხადა.
ბრიუსელში ევროკავშირის სამიტის შემდეგ, მან აღნიშნა, რომ ლიდერები გეგმავენ „პეტრიოტის“ სისტემის გაგზავნას, რადგან რუსეთი აძლიერებს სარაკეტო დარტყმებს ქვეყნის ენერგეტიკულ ინფრასტრუქტურასა და ურბანულ ცენტრებზე.
„გავიგეთ, რომ უნდა იყოს შვიდი კომპლექსი, რომელთაგან ერთი ჩვენია. ვიმედოვნებთ, რომ ჩრდილოატლანტიკური ალიანსის ფარგლებში კიდევ ექვსი მოიძებნება“, - აღნიშნა ოლაფ შოლცმა.
ჟურნალისტები აღნიშნავენ, რომ გერმანია, ასევე, გადასცემს კიევს საჰაერო თავდაცვის სისტემებს IRIS-T და Skynex თანმხლებ საბრძოლო მასალასთან ერთად.
