1713812876
კონფლიქტები
„სიტუაცია მძიმეა“ - დაიპყრო თუ არა რუსეთმა ნოვომიხაილოვკა? - 79-ე ბრიგადამ განცხადება გააკეთა
რუსეთის სარდლობის განცხადებები ნოვომიხაილოვკას (დონეცკის ოლქი) აღების შესახებ არ შეესაბამება რეალობას, - განაცხადა 79-ე თავდასხმის ბრიგადის ოფიცერმა იაროსლავ ჩეპურნიმ.
„სიტუაცია დაძაბული და მძიმეა. ბრძოლა გრძელდება უშუალოდ სოფელში და არა მხოლოდ მისადგომებთან. მაგრამ რუსეთის სარდლობის განცხადება, რომ რუსეთის ჯარებმა აიღეს ნოვომიხაილოვკა, სიმართლეს არ შეესაბამება. ტერიტორიის დაახლოებით 15% - ამჟამად ჩვენ მიერ კონტროლირებადია“, - აღნიშნა მან.
ამავდროულად, ჩეპურნიმ ხაზგასმით აღნიშნა, რომ მიმდინარეობს ძალიან მძიმე ბრძოლები.
„ამ ბრძოლებს შეიძლება ვუწოდოთ ტოტალური, რადგან ოკუპანტი მთლიანად ანგრევს ჩვენს პოზიციებს სოფელში“, - აცხადებს 79-ე თავდასხმის ბრიგადის ოფიცერი.
