1713533991
უცხოეთი
პოლიციამ პარიზში, ირანის საკონსულოში დააკავა კაცი, რომელიც თავის აფეთქებით იმუქრებოდა - The Times of Israel
საფრანგეთის პოლიციამ დააკავა კაცი, რომელიც პარიზში, ირანის საკონსულოს შენობაში შევიდა და თავის აფეთქებით იმუქრებოდა. ამის შესახებ The Times of Israel წყაროზე დაყრდნობით წერს. არსებული ცნობით, კაცს სხეულზე ასაფეთქებელი მოწყობილობა ჰქონდა დამონტაჟებული და ასევე, ხელყუმბარა ეჭირა.
მანამდე, Reuters-მა ინფორმაცია გაავრცელა იმის შესახებ, რომ ფრანგ სამართალდამცველებს ირანის საკონსულო ჰქონდათ მოქცეული.
როგორც პოლიციაში არსებულმა წყარომ გამოცემას განუცხადა, მამაკაცი ადგილობრივი დროით დილის 11 საათზე დააფიქსირეს საკონსულოში შესვლისას.
მომხდარზე დამატებითი დეტალები ჯერჯერობით უცნობია.
