1713272161
უცხოეთი
ვოლოდიმირ ზელენსკიმ მობილიზაციის შესახებ კანონს ხელი მოაწერა
უკრაინის პრეზიდენტმა ვოლოდიმირ ზელენსკიმ მობილიზაციის შესახებ კანონს ხელი მოაწერა. ამის შესახებ ინფორმაციას UNIAN ავრცელებს.
მანამდე, 11 აპრილს, კანონი ქვეყნის უმაღლესმა რადამ 283 დეპუტატის მხარდაჭერით დაამტკიცა.
ცნობისთვის, იანვრის ბოლოს მინისტრთა კაბინეტმა პარლამენტს მობილიზაციის შესახებ კანონპროექტის განახლებული ვერსია წარუდგინა. უკრაინის ხელისუფლებამ პარლამენტში და საზოგადოებაში კანონპროექტის კრიტიკის გამო, 2023 წლის დეკემბრის ბოლოს წარდგენილი წინა ვერსია უკან გაიწვია. განახლებული კანონპროექტი სამხედრო სამსახურიდან ნებისმიერი ჯგუფის შშმ პირების გათავისუფლებას ითვალისწინებს.