„მეცის მბაპე“ - „მეცის“ მთავარი მწვრთნელი მიქაუტაძეზე
ქართველ ფორვარდზე გიორგი მიქაუტაძეზე „მეცის“ მთავარმა მწვრთნელმა ლასლო ბოლონიმ ისაუბრა.
„მეცის“ მთავარმა მწვრთნელმა ქართველ ფეხბურთელს მეტსახელი „მეცის მბაპე“ შეარქვა.
„ჟორჟი (მიქაუტაძე) არ არის მბაპე, მაგრამ „მეცის მბაპეა“. „აიაქსში“ ბედნიერების დაკარგვის შემდეგ ახლა იბრუნებს ღიმილს. როდესაც გუნდში ბომბარდირი გყავს, უდიდესი ბედნიერებაა“, - აღნიშნა „მეცის“ მთავარმა მწვრთნელმა.
ლასლო ბოლონიმ ჩატარებული თამაშის შესახებაც ისაუბრა.
„ტექნიკური თვალსაზრისით შესანიშნავი თამაში არ გვინახავს, მაგრამ ამ პერიოდში და ჩვენს მდგომარეობაში ზედმეტად მომთხოვნები არ უნდა ვიყოთ. მოვახერხეთ გამარჯვება, რადგან დაცვაში საკმაოდ ორგანიზებულად ვითამაშეთ და შეტევაშიც გაგვიმართლა. რა თქმა უნდა, მიხარია, რომ გასავარდნი ზონა დავტოვეთ, ამ სიტუაციაში ყოფნა აშკარად ჯობია, მიუხედავად იმისა, რომ ვიცით, წინ კიდევ გველოდება ჯოჯოხეთური მატჩები. ჯერჯერობით, მხოლოდ ლილზე გავამახვილებთ ყურადღებას, რომ ამ თამაშში საკუთარი თავის საუკეთესოდ წარმოჩენა შევძლოთ“, - აცხადებს „მეცის“ მთავარი მწვრთნელი.
Unique buteur de la victoire de Metz au Havre ce dimanche, dans le cadre de la 30e journée de Ligue 1, Mikautadze est peut-être en train d'éviter la relégation aux Messins. De quoi se faire surnommer le "Mbappé du FC Metz" par son entraîneur Lazlo Bölöni.https://t.co/bpj2bWLV7K
— RMC Sport (@RMCsport) April 21, 2024
