პოლიტიკა
„პაციენტის მდგომარეობა რჩება საყურადღებო. კვლავ რჩება ნევროლოგიური სიმპტომატიკა. ის არ გაუმჯობესებულა 12 დეკემბრის შემდეგ და მდგომარეობა იგივე რჩება. გამოხატულია ნეიროპათიის სიმპტომატიკა, წონასწორობის დარღვევა, სისუსტე, ასევე, რჩება ანემიაც, რაც მანამდეც იყო. ასევე, პოსტტრავმული ნერვული აშლილობა და დეპრესია, რომელიც არ შეფასებულა ბოლო ვიზიტზე, მაგრამ ჩვენ ვიხელმძღვანელეთ 12 დეკემბრის დიაგნოზით და პაციენტი დაახლოებით იმავე მდგომარეობაშია“, - ამის შესახებ ნევროლოგმა თენგიზ წულაძემ ექსპრეზიდენტ მიხეილ სააკაშვილის ჯანმრთელობის ამჟამინდელ მდგომარეობასთან დაკავშირებით ბრიფინგზე განაცხადა. მისი თქმით, მიხეილ სააკაშვილს რჩება ნევროლოგიური დარღვევები და აუცილებელია სპეციალისტის მხრიდან მონიტორინგი და მკურნალობაში ფიზიოლოგიური და ფსიქოლოგიური თერაპიის ჩართვა.
13:03 / 19.01.2022
 
არსებითი ცვლილებები მიხეილ სააკაშვილის მკურნალობის მეთოდოლოგიის თვალსაზრისით არ განხორციელებულა, ძირითადად პაციენტი იმყოფება მედიკამენტურ მკურნალობაზე, თუმცა, კვლავ შეუსრულებელია ჩვენს მიერ გაცემული რეკომენდაციები ფსიქოლოგიური და ფიზიკური რეაბილიტაციის საჭიროების თაობაზე,- ამის შესახებ სახალხო დამცველმა ნინო ლომჯარიამ განაცხადა, რომელიც სამედიცინო კონსილიუმთან ერთად მიხეილ სააკაშვილის ჯანმრთელობის მდგომარეობის შესახებ მომზადებულ დასკვნას წარადგენს.
12:30 / 19.01.2022
 
სამების საკათედრო ტაძარში ნათლისღების დღესასწაულთან დაკავშირებით საზეიმო წირვა მიმდინარეობს. წირვას სრულიად საქართველოს კათოლიკოს-პატრიარქი მღვდელმთავრებთან და სამღვდელოებასთან ერთად აღავლენს.
11:02 / 19.01.2022
 
საქართველოში კორონავირუსის 8 728 ახალი შემთხვევა გამოვლინდა.
10:52 / 19.01.2022
 
სწორედ ეს რეაქცია გამხდარა პეტიციის შთაგონების წყარო – აქაოდა ხმა როგორ ამოიღეთ, მერე რა, რომ კლასიკოსთა ლექსები უნებურად ელენე დარიანს მიაკუთვნესო…- ამის შესახებ “ქართული ოცნების” ყოფილი დეპუტატი ნუკრი (ალექსანდრე) ქანთარია სოციალურ ქსელში წერს, რითაც ეხმაურება კუკტურის სფეროს წარმომადგენელთა ერთი ნაწილის ინიციატივით გავრცელებულ პეტიციას, რომლის მოთხოვნა კულტურის მინისტრის თეა წულუკიანის თანამდებობიდან გადადგომაა.
20:41 / 18.01.2022
 
საგამოძიებო სამსახურის და პერსონალურ მონაცემთა დაცვის სამსახურის ერთ სტრუქტურაში გაერთიანება გიორგი გახარიას პრინციპული პოზიცია იყო, იმის მიუხედავად, რომ საექსპერტო საზოგადოება ასეთი გაერთიანების კატეგორიულად წინააღმდეგი იყო, - ეს განცხადება “ქართული ოცნების“ ერთ-ერთმა ლიდერმა გია ვოლსკიმ ჟურნალისტებთან გააკეთა.
20:38 / 18.01.2022
 
არ მგონია, ასეთი "ცხელი თავები" იყვნენ უკრაინის მთავრობაში, რომ როცა მთელი მსოფლიო გარე აგრესიისგან იცავს, შიგნით გამართონ ფრონტი - პრეზიდენტებზე არ უნდა იყოს ნადირობა და იმედი მაქვს, ეს მაგალითი იქნება ჩვენთვისაც, - ამის შესახებ „ევროპული საქართველოს“ პოლიტსაბჭოს თავმჯდომარემ, გიგი წერეთელმა „პალიტრანიუსის“ გადაცემაში „დღის ნიუსრუმი“ უკრაინის მეხუთრე პრეზიდენტის პეტრო პოროშენკოს გარშემო მიმდინარე პროცესების შეფასებისას განაცხადა.
20:32 / 18.01.2022
 
პარტია „კანონი და სამართლის“ ლიდერის თაკო ჩარკვიანის განცხადებით, 40 წელია დევნილების პრობლემა ვერც ერთმა ხელისუფლებამ ვერ მოაგვარა, რაც მოქალაქეების მხრიდან უკიდურესი პროტესტის და სუიციდის მიზეზი ხდება. „ხელისუფლება, რომელიც დაქირავებულია, არ ემსახურება ხალხს, აშიმშილებს, ხალხი უკვე ფანჯრებიდან ხტება, კლავენ ჟურნალისტებს. შემდეგ იმ პარტიას, რომელიც ამას აკეთებს, აწინაურებენ თუ კვალიფიციურად აცხადებენ, ყოველ შემთხვევაში, აძლევენ იუსტიციაში რეგისტრაციის საშუალებას. ახლა კითხვა ჩნდება, რა შუაშია ოპოზიცია? ოპოზიცია ხალხისგან შევდგებით. ჩვენ უნდა ვიყოთ ერთიანი და ერთმანეთს მოვემსახუროთ.
18:27 / 18.01.2022
 
ევროკავშირის ელჩის კარლ ჰარცელის განცხადებით, დიპლომატიური ორგანიზაცია ყურადღებით აკვირდება ექსპრეზიდენტ მიხეილ სააკაშვილთან დაკავშირებულ პროცესებს და სახალხო დამცველის მიერ შექმნილი სამედიცინო კონსილიუმის შეფასებებს ელოდება. „მიხეილ სააკაშვილის საკითხს ყურადღებით ვაკვირდებით, ძირითადად სამი კუთხით. ერთია - მისი ჯანმრთელობის მდგომარეობა, მეორე - მისი, როგორც პატიმრის მიმართ მოპყრობა და მესამე - მის საქმეებთან დაკავშირებული პროცესი იყოს სამართლიანი.
18:24 / 18.01.2022
 
მიხეილ სააკაშვილის ნევროლოგიური სტატუსი არის კვლავ მძიმე. ყველაფერი მიდის იქითკენ, რომ შეუქცევადი შედეგი დადგეს, რომლის ზღვარის გადაბიჯების შემდეგ მიხეილ სააკაშვილის ნევროლოგიური სტატუსი ვერასდროს აღდგება იმ მდგომარეობამდე, ვიდრე იგი იქნებოდა წამების და არაადამიანური მოპყრობის მსხვერპლი, - ამის შესახებ საქართველოს ყოფილი პრეზიდენტის, მიხეილ სააკაშვილის ადვოკატმა ნიკა გვარამიამ გენერალურ პროკურატურასთან ჟურნალისტებს განუცხადა.
18:21 / 18.01.2022
 
კალენდარი
×