პოლიტიკა
დანიშნონ ხვალ ბიუროს სხდომა და ახალი პოზა ვაჩვენოთ ხალხს - ყველა „მაისკი პრაზდნიკებზეა“ და პოზებზე ჩვენ გველაპარაკებიან, - ასე პასუხობს “სტრატეგია აღმაშენებლის“ ლიდერი გიორგი ვაშაძე „პალიტრანიუსის“ გადაცემა „დღის ნიუსრუმში“ საპარლამენტო უმრავლესობის ლიდერის, არჩილ თალაკვაძის შეფასებას, რომ ოპოზიციის ნაწილი პოზას იჭერს, როცა ცდილობს ამნისტიის აქტთან დაკავშირებით „ნაციონალურ მოძრაობას“ აჩვენოს, რომ ხელისუფლებას წინააღმდეგობას უწევს.
19:15 / 04.05.2021
 
შარლ მიშელის დოკუმენტზე ხელმომწერი პარტიები ამბობენ, რომ პარლამენტში იმუშავებენ ყველა იმ საკითხზე, რომელიც მათი ამომრჩევლის ინტერესშია და მათთვის მნიშვნელოვანი მხოლოდ ამნისტიის შესახებ კანონის პროექტი აღარაა. პარლამენტსმიღმა დარჩენილი „ნაციონალური მოძრაობა“ დოკუმენტზე ხელმომწერ სხვა პარტიებს საყვედურობს და აცხადებენ, რომ ისინი არათანმიმდევრულები არიან.
19:08 / 04.05.2021
 
ოპოზიცია, ვინც ხელი მოაწერა შეთანხმებას, არის მტკიცე და თანმიმდევრული საკუთარ არჩევანში, - ამის შესახებ „რესპუბლიკური პარტიის“ ლიდერმა, ხათუნა სამნიძემ „ქრონიკას“ განუცხადა.
19:07 / 04.05.2021
 
მელია მიშა სააკაშვილის უგუნურმა პოლიტიკამ და სურვილებმა სასაცილო მდგომარეობაში ჩააგდო, - განაცხადა პარლამენტის იურიდიულ საკითხთა კომიტეტის თავმჯდომარის მოადგილემ, დავით მათიკაშვილმა.
19:06 / 04.05.2021
 
„შარლ მიშელის დოკუმენტის ხელმოწერით ჩვენ ავიღეთ პასუხისმგებლობა, რომ ჩვენ დავაინიცირებდით და მივიღებდით ამნისტიის შესახებ კანონს, რომლითაც ერთხელ და სამუდამოდ დასრულდებოდა ყველა ის საგამოძიებო პროცესი, რომელიც დაკავშირებული იყო 2019 წლის 20 ივნისის მოვლენებთან“, - აცხადებს ფრაქცია „ქართული ოცნების“ თავმჯდომარის პირველი მოადგილე, გივი მიქანაძე.
19:03 / 04.05.2021
 
საქართველოს ყოფილმა პრეზიდენტმა, მიხეილ სააკაშვილმა „დოიჩე ველეს“ რუსულ რედაქციასთან ინტერვიუში განაცხადა, რომ საქართველოში მთავრობა წელს ნებისმიერ შემთხვევაში შეიცვლება.
14:58 / 04.05.2021
 
სიმბოლურია, რომ დღეს ახალი ვაქცინით, „სინოფარმით“ პირველად მე ავიცერი, ეს არის 45 ქვეყანაში აპრობირებული ვაქცინა, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ ჩინური ვაქცინით, „სინოფარმით“ აცრის შემდეგ განაცხადა.
10:38 / 04.05.2021
 
საქართველოს ყოფილი პრეზიდენტის მიხეილ სააკაშვილი სარჩელი საქართველოს წინააღმდეგ ევროპულმა სასამართლომ წარმოებაში მიიღო. “აიპრესის” ინფორმაციით ადამიანის უფლებათა ევროპულმა სასამართლომ საქართველოში კითხვები უკვე გამოაგზავნა.
“აიპრესი” მიხეილ სააკაშვილის საჩივართან დაკავშირებით იუსტიციის სამინისტროს დაუკავშირდა. თუმცა, უწყებაში სააკაშვილის საჩივართან დაკავშირებით ამ ეტაპზე კომენტარს არ აკეთებენ.

ევროსასამართლომ წარმოებაში მიიღო ორი საჩივარი – ერთი ეხება ვალერი გელაშვილის ცემის, მეორე კი სანდრო გირგვლიანის საქმეზე მსჯავრდებული პირების შეწყალების საქმეს.​

მიხეილ სააკაშვილი: “მე ვარ სპეციალისტი ამ კონვენციის, იმიტომ რომ თავის დროზე ვიყავი პირველი აღმოსავლეთ ევროპელი, რომელმაც მიიღო დიპლომი სტრასბურგის ადამიანის უფლებათა სასამართლოსთან არსებულ საგამოძიებო კომისიაში, ადამიანის უფლების სამართალში. აქედან გამომდინარე, მე ზუსტად ვიცი, რატომ დასჭირდა ამდენი წელი ამ ყველაფრის წარმოებაში მიღებას – იმიტომ რომ უნდა ამოწურულიყო შიდა დაცვის ყველა საშუალება. ახლა მთავარი ნაბიჯი გადადგმულია, საქმე მიღებულია წარმოებაში, მაგრამ საბოლოო ჯამში, ორი კატეგორიის ხალხსი არსებობს საქართველოში – ერთი, ვინც იცის, რომ თავიდანვე ეს საქმეები იყო ბლეფი, ყალბი და არ უნდა დაწყებულიყო, მაგრამ მეორე, ვინც გულის სიღრმეში მაინც იცის, რომ საქმეები მთლიანად ფუყეა, უსამართლოა, მაგრამ იმდენად უნდა ჩემი მოშორება, რომ მზად არის, ამ უსამართლობაზე დახუჭოს თვალი.

ეს მეორე კატეგორია აბსოლუტურ უმცირესობაშია, მიუხედავად იმისა, როდის გამოიტანს სტრასბურგი საბოლოო გადაწყვეტილებას, როგორ გადაწყვეწტილებას და მე მაქვს სიმართლის დაგენის იმედი. ბოლო გადაწყვეტილებების და სიმართლის დადგენის შემდეგ და მე ყველანაირად ვიქნები ჩვენი ხალხის გვერდით ამ გადამწყვეტ ეტაპზე ჩვენი ბრძოლის. ვინაიდან ახლა ჩემ პირად საქმეზე, ჩემ უსაფრთხოებაზე და სიცოცხლეზე მაღლა დგას საქართველოს გადარჩენის საკითხი”, – განაცხადა “მთავართან”.

შეგახსენებთ, 2018 წლის 5 იანვარს თბილისის საქალაქო სასამართლომ სანდრო გირგვლიანის საქმეზე მსჯავრდებული პირების(გერონტი ალანიას, მიხეილ ბიბილური, ავთანდილ აფციაურის) შეწყალებისას სამსახურებრივი უფლებამოსილების ბოროტად გამოყენების ფაქტზე დამნაშავედ სცნო და გამამტყუნებელი განაჩენი გამოიტანა საქართველოს ყოფილი პრეზიდენტის მიხეილ სააკაშვილის მიმართ, საქართველოს სისხლის სამართლის კოდექსის 332-ე მუხლის მეორე ნაწილით. – სასამართლოს გადაწყვეტილებით სააკაშვილს 3 წლით პატიმრობა მიესაჯა და თანამდებობის დაკავების უფლება 1 წლითა და 2 თვის ვადით ჩამოერთვა

2018 წლის 28 ივნისს საქართველოს ყოფილ პრეზიდენტს მიხეილ სააკაშვილს დეპუტატ ვალერი გელაშვილის ცემის საქმეზე,თბილისის საქალაქო სასამართლოს მოსამართლე შორენა გუნცაძემ 6 წლით პატიმრობა შეუფარდა.

2018 წლის 22 ნოემბერს თბილისის სააპელაციო სასამართლომ ძალაში დატოვა საქალაქო სასამართლოს გადაწყვეტილება.
2019 წლის 19 აგვისტოს უზენაესმა სასამართლომ გელაშვილის ცემის საქმეზე მიხეილ სააკაშვილის მიმართ გამამტყუნებელი განაჩენი ძალაში დატოვა.

““საქართველოს უზენაესმა სასამართლომ 2019 წლის 31 ივლისის განჩინებით დაუშვებლად ცნო მხარეთა საჩივრები თბილისის სააპელაციო სასამართლოს 2018 წლის 22 ნოემბრის განაჩენზე, რომლის თანახმად, საქართველოს ყოფილი პრეზიდენტი მიხეილ სააკაშვილი დამანაშავედ იქნა ცნობილი საქართველოს სისხლის სამართლის კოდექსის 333-ე მუხლის მე-3 ნაწილის „ბ“ქვეპუნქტით, რაც გულისხმობს სამსახურებრივი უფლებამოსილების გადამეტებას ძალადობით და იარაღის გამოყენებით და 25,117-ე მუხლის მეხუთე ნაწილის „ე“ ქვეპუნქტით ჩადენილი დანაშაულისთვის, რაც ჯგუფურად ჯანმრთელობის განზრახ მძიმე დაზიანების ორგანიზებას გულისხმობს. საბოლოოდ, სასჯელის სახედ და ზომად, 2012 წლის 28 დეკემბრის „ამნისტიის შესახებ’’ საქართველოს კანონის და სასჯელის შთანთქმის პრინციპის გამოყენებით მიხეილ სააკაშვილს განესაზღვრა თავისუფლების აღკვეთა 6 წლის ვადით და 2 წლისა და 3 თვის ვადით ჩამოერთვა თანამდებობის დაკავების უფლება.

სახელმწიფო ბრალდების მიერ წარდგენილი მტკიცებულებებით, ასევე პირველი ინსტანციისა და სააპელაციო სასამართლოების გადაწყვეტილებებით დადასტურებულია, რომ 2005 წლის 29 ივნისს, გაზეთ „რეზონანსში“ გამოქვეყნდა საქართველოს პარლამენტის იმჟამინდელი წევრის ვალერი გელაშვილის სტატია სათაურით „ვალერი გელაშვილი თავის სახლს სააკაშვილს დაუთმობს“. სტატიაში ვალერი გელაშვილი გამოთქვამდა უკმაყოფილებას მოქმედი პრეზიდენტის მიმართ იმასთან დაკავშირებით, რომ მას წაართვეს ქონება, რომლის ღირებულებასაც არ უნაზღაურებდნენ. ამავე სტატიაში მან შეურაცხმყოფელი ფორმით ისაუბრა საქართველოს ყოფილი პრეზიდენტის მიხეილ სააკაშვილის პირადი ცხოვრების შესახებ.

სტატიის გამოქვეყნების შემდეგ, მიხეილ სააკაშვილმა ვალერი გელაშვილის სამაგალითოდ დასჯის მიზნით, პირადი შურისძიების მოტივით, საქართველოს თავდაცვის იმჟამინდელ მინისტრს ირაკლი ოქრუაშვილს დაავალა მოეხდინა ვალერი გელაშვილის მიმართ ფიზიკური ანგარიშსწორება, რაზეც ირაკლი ოქრუაშვილისგან მიიღო უარი. ამის შემდეგ, მიხეილ სააკაშვილმა ვალერი გელაშვილის ფიზიკური ანგარიშსწორება დაავალა საქართველოს შინაგან საქმეთა იმჟამინდელ მინისტრს ივანე მერაბიშვილს.

მიღებული დავალების შემდეგ ივანე მერაბიშვილმა მის დაქვემდებარებაში მყოფი სპეციალური ოპერატიული დეპარტამენტის დირექტორის ე.კ.-ს ორგანიზებით უზრუნველყო მიხეილ სააკაშვილის დავალების ზედმიწევნით შესრულება, რომელიც განხორციელდა 2005 წლის 15 ივლისს. კერძოდ, სოდ-ის ოპერატიულმა თანამშრომლებმა და შეიარაღებული სპეციალური რაზმის მებრძოლებმა, ქ.თბილისში, მირცხულავას ქუჩის მიმდებარე ტერიტორიაზე გადაადგილებისას, მოახდინეს ვალერი გელაშვილის მართვის ქვეშ მყოფი ავტომანქანის ბლოკირება, რის შემდეგაც თავს დაესხნენ ვალერი გელაშვილს და მის თანმხლებ პირებს. ე.კ.-ს დავალებითა და სოდ-ის სამმართველოს უფროსის გ.ს.-ს ხელმძღვანელობით, მოქმედმა სპეციალური რაზმის მებრძოლებმა ძალის გამოყენებით და ცეცხლსასროლი იარაღის მუქარით ავტომანქანიდან თანმხლებ პირებთან ერთად გადმოიყვანეს ვალერი გელაშვილი, იარაღის კონდახებით სასტიკად სცემეს იგი და გაიტაცეს მის კანონიერ მფლობელობაში არსებული „Heckler Koch“-ის მარკის ცეცხლსასროლი იარაღი, ფულადი თანხა – 10 000 აშშ დოლარი და 50 000 ლარად ღირებული ბეჭედი.

მიხეილ სააკაშვილის დავალებით განხორციელებული ფიზიკური ანგარიშსწორების შედეგად საქართველოს პარლამენტის წევრმა ვალერი გელაშვილმა მიიღო სიცოცხლისთვის სახიფათო სხეულის მძიმე ხარისხის დაზიანება.

საზოგადოებას შევახსენებთ, რომ ვალერი გელაშვილზე განხორციელებული თავდასხმის ფაქტზე, სასამართლოს მიერ გამამტყუნებელი განაჩენი უკვე გამოტანილია შინაგან საქმეთა ყოფილი მინისტრის – ივანე მერაბიშვილის, სპეციალური ოპერატიული დეპარტამენტის ყოფილი დირექტორის – ე.კ.-ს და ამავე დეპარტამენტის სამმართველოს ყოფილი უფროსის – გ.ს-ს მიმართ”, – ნათქვამია გავრცელებულ ინფორმაციაში.

შეგახსენებთ, 2005 წელს დღეპუტატ ვალერი გელაშვილზე მომხდარი შეიარაღებული თავდასხმის და მისი ცემის საქმეზე, საქართველოს ყოფილ პრეზიდენტს მიხეილ სააკაშვილს, ბრალად ძალადობით სამსახურებრივი უფლებამოსილების გადამეტება და ჯანმრთელობის განზრახ მძიმე დაზიანების ორგანიზება ედებოდა.

წყარო: ipress.ge

22:42 / 03.05.2021
 
ნიკა მელია სასწრაფოდ უნდა გათავისუფდეს, ამის ერთადერთი ბერკეტი არის ევროკავშირის გირაო, სხვა ბერკეტი არ არსებობს, - ამის შესახებ “სტრატეგია აღმაშენებლის“ ერთ-ერმა ლიდერმა სერგო ჩიხლაძემ ჟურნალისტებს განუცხადა.
19:19 / 03.05.2021
 

სომხეთის ეროვნულმა ასამბლეამ დღეს გამართულ საგანგებო სხდომაზე პრემიერ- მინისტრის პოსტზე ნიკოლ ფაშინიანის კანდიდატურას მხარი არ დაუჭირა, - ამის შესახებ ინფორმაციას სომხური მედია ავრცელებს.

16:21 / 03.05.2021
 
კალენდარი
ორ სა ოთ ხუ პა შა კვ
2627282930 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 123456
×