საქართველოს პრემიერ-მინისტრმა და პარლამენტის თავმჯდომარემ საქართველოს პირველი პრეზიდენტის ხსოვნას პატივი მიაგეს.

ზუსტად 32 წლის წინ სრულიად საქართველოს მოსახლეობამ მსოფლიოს გასაგონად განაცხადა, რომ მხარს უჭერს საქართველოს დამოუკიდებლობის აღდგენას. სწორედ 31 მარტის რეფერენდუმის შედეგები დაედო საფუძვლად უზენაესი საბჭოს მიერ 1991 წლის 9 აპრილს დამოუკიდებლობის აქტის მიღებას. ეს დღე სამაგალითო გახდა საქართველოს უახლეს ისტორიაში სამოქალაქო ერთსულოვნების თვალსაზრისითაც. ჩვენი მრავალეთნიკური ქვეყნის მთელ ტერიტორიაზე გამართულ რეფერენდუმზე ჩვენმა ხალხმა, აფხაზი და ოსი თანამოქალაქეების ჩათვლით, მხარი დაუჭირა დამოუკიდებელი საქართველოს იდეას- ამის შესახებ საქართველოს პრემიერ-მინისტრი სოციალურ ქსელ „ფეისბუქში" წერს.

ირლანდიის რესპუბლიკაში საქართველოს საპარლამენტო დელეგაციის ოფიციალური ვიზიტის ფარგლებში, ირლანდიის პარლამენტის ევროკავშირის საქმეთა კომიტეტმა საქართველოს საპარლამენტო დელეგაციას მოუსმინა. საქართველოს დელეგაციის ხელმძღვანელმა, ნიკოლოზ სამხარაძემ ისაუბრა საქართველოს საგარეო პოლიტიკურ პრიორიტეტებზე, უკრაინაში მიმდინარე რუსულ აგრესიაზე, საქართველოს შიდა პოლიტიკურ პროცესებზე, საქართველო-ირლანდიის ურთიერთობებზე და სამხრეთ კავკასიასა და შავი ზღვის რეგიონში არსებულ უსაფრთხოების გარემოზე.

ირლანდიის რესპუბლიკაში ოფიციალური ვიზიტის ფარგლებში პარლამენტის დელეგაცია საგარეო ურთიერთობათა კომიტეტის თავმჯდომარის, ნიკოლოზ სამხარაძის ხელმძღვანელობით ირლანდიის სენატის თავმჯდომარეს, ჯერი ბუტიმერს შეხვდა.

დროა, ბატონმა ზურაბ ჩხაიძემ პოლიტიკური coming out გააკეთოს, - ასე გამოეხმაურა „მიხეილ სააკაშვილის გათავისუფლების“ შტაბის ხელმძღვანელი, გიორგი ჩალაძე, „ვივამედის“ კლინიკური დირექტორის, ზურაბ ჩხაიძის კომენტარს, რომ გიორგი ჩალაძემ იცრუა საქართველოს მესამე პრეზიდენტის, მიხეილ სააკაშვილის სამედიცინო დოკუმენტების არ არსებობის შესახებ.

რუსეთი მავნე აქტივობებს ახორციელებს საქართველოში, მათ შორის დეზინფორმაციას და ამას აქვს ქვეყანაზე გავლენა, - ამის შესახებ საქართველოში აშშ-ის ელჩის თანამდებობაზე ჯო ბაიდენის მიერ წარდგენილმა კანდიდატმა, რობინ დანიგანმა სენატში გამართულ სხდომაზე განაცხადა.

მისი თქმით, თვალს ადევნებდა საქართველოში “უცხოური გავლენის” კანონის მიერ გამოწვეულ პროტესტს.

„ვფიქრობ, ისინი ასახავდნენ ქართველი ხალხის სურვილს იყვნენ მტკიცედ ინტეგრირებულნი დასავლეთთან და ევროკავშირთან. ქართველი ხალხის ამ გზისადმი ერთგულებას კვლავ და კვლავ ვხედავთ და ვფიქრობ ეს ჩვენს ეროვნულ ინტერესებში შედის, რომ გავაგრძელოთ მათი მხარდაჭერა ამ გზაზე.

მჯერა, რომ რუსეთი მავნე აქტივობებს ახორციელებს საქართველოში, მათ შორის დეზინფორმაციას და ამას აქვს ქვეყანაზე გავლენა. ამიტომ ვფიქრობ, მათთვის რეფორმების იმპლემენტაციაში ჩვენი დახმარება ასეთი საკვანძოა.

ევროკავშირმა 12 რეფორმა გამოაქვეყნა, რომელიც საქართველომ უნდა გაატაროს რათა მიიღოს ევროკავშირის კანდიდატის სტატუსი. თუ დამამტკიცებენ, [საქართველოს] მთავრობასთან მჭიდროდ ვიმუშავებ, რათა დავეხმარო ამ რეფორმების იმპლემენტაციაში,” - განაცხადა დანიგანმა.

მეტროში პლაკატების გაკვრა არის იმის გამოხატულება, რომ ხელისუფლებამ ყველა მტრად გამოაცხადა, - ასე შეაფასა „ლელოს“ დეპუტატმა ანა ნაცვლიშვილმა მეტროსადგურებთან პლაკატების გაკვრის ფაქტი, რომლებზეც არასამთავრობო ორგანიზაციებისა და ოპოზიციის წარმომადგენლები არიან გამოსახული.

აჭარაში „ქართული ოცნების“ პარტიული კონფერენციები დასრულდა. სამი დღის განმავლობაში კონფერენციები გაიმართა ბათუმში, ხულოში, შუახევში, ქედაში, ხელვაჩაურსა და ქობულეთში, - ამის შესახებ ინფორმაციას „ქართული ოცნების“ პრესსამსახური ავრცელებს.

თუ იმ ჩანაწერებში ან ფაქტებში, რომელიც გასაჯაროვდა, არის დანაშაულის კომპონენტი, ჩვენ ამისთვის შევქმენით სათანადო კანონმდებლობა და ამაზე უნდა ისაუბრონ და იზრუნონ სამართალდამცველმა სტრუქტურებმა და არა პოლიტიკოსებმა. მათ ეს არ უნდა აქციონ პერფორმანსის ნაწილად, - ამის შესახებ საპარლამენტო უმრავლესობის წევრმა, ნინო წილოსანმა „ქრონიკაში“ შალვა რამიშვილზე საუბრისას განაცხადა.

„უკვე ძალიან გაჭიანურდა და ვფიქრობ, რომ ამ კვირაში სტრასბურგში გასაჩივრება უნდა მოხდეს, მგონი ყველაფერი მომზადებულია" განაცხადა მსჯავრდადებული ყოფილი პრეზიდენტის, მიხეილ სააკაშვილის დედამ, გიული ალასანიამ.