ყოველთვის გავითვალისწინებთ პირველ რიგში ქვეყნის ეროვნულ ინტერესებს, პირდაპირ შემიძლია ვთქვა, რომ მშვიდობა არის უალტერნატივო, - ამის შესახებ დედაქალაქის მერმა, კახა კალაძემ ე.წ. მეორე ფრონტის გახსნასთან დაკავშირებით დასმული შეკითხვის საპასუხოდ განაცხადა.
კახა კალაძის თქმით, ყველაფერი უნდა გაკეთდეს გონიერებით, ეკონომიკური განვითარებით და ევროინტეგრაციით.
„ზოგადად ძალიან რთული ვითარებაა რეგიონში, მხედველობაში მაქვს უკრაინაში ომი, რომელიც ძალიან მძიმეა. ჩვენ კარგად ვიცით, რამხელა უბედურების მომტანია ზოგადად ომი, რა შეიძლება მოიტანოს ქვეყნისთვის. მე ვიტყვი ჩვენი ქვეყნის ინტერესებიდან გამომდინარე, მიუხედავად იმისა, რომ ძალიან დიდი იყო ზეწოლა, ძალიან ბევრი მოწოდებები კეთდებოდა საქართველოში მეორე ფრონტის გახსნასთან დაკავშირებით, მიუხედავად ამ ყველაფრისა ჩვენ არაერთხელ გაგვიკეთებია განცხადებები ამასთან დაკავშირებით, რომ ჩვენ ყოველთვის გამოვდივართ ჩვენი ქვეყნის ინტერესებიდან გამომდინარე და რა თქმა უნდა, ეს პოზიცია, ეს დამოკიდებულება ნარჩუნდება დღესაც, ამ დამოკიდებულებით ვიქნებით მომავალშიც, ყოველთვის გავითვალისწინებთ პირველ რიგში ქვეყნის ეროვნულ ინტერესებს. პირდაპირ შემიძლია ვთქვა, რომ მშვიდობა არის უალტერნატივო, მშვიდობა არის ძალიან მნიშვნელოვანი იმისთვის, რომ მოხდეს ქვეყნის ეკონომიკური გაძლიერება, რათა განვითარებული ეკონომიკით მოვახერხოთ ევროინტეგრაცია, ტერიტორიული გამთლიანება. ყველაფერი უნდა გავაკეთოთ გონიერებით, ეკონომიკური განვითარებით და ევროინტეგრაციით“, - განაცხადა კახა კალაძემ.
11:13 / 03.10.2023
სოხუმი
13
-
22
°C
თელავი
14
-
19
°C
ბათუმი
16
-
22
°C
ქუთაისი
14
-
18
°C
თბილისი
14
-
19
°C
GBP
4.2911
RUB
3.2024
USD
3.2054
სიტყვის თავისუფლება ჩვენი უფლებაა
-
რეკლამის განსათავსებლად დაუკავშირდით კომპანია "ედ გიქს"557 31 99 55
info@adgeeks.geინფორმაცია სარეკლამო ზონების შესახებ იხილეთ აქ.
კვირის პოპულარული
კატეგორიის სხვა სიახლეები
უმარტივესი „ქეისი“ დევს საკონსტიტუციო სასამართლოს წინაშე - მტკიცებულებები, თუ როგორ ირღვევა კონსტიტუცია, ასე მზის შუქზე და თვალნათლივ, სხვა არც ერთ „ქეისთან” მიმართებით არ ქონია სასამართლოს, - ამის შესახებ საპარლამენტო უმრავლესობის წევრმა ალუდა ღუდუშაურმა განაცხადა.
სასამართლო ფიქრობს, რომ პრეზიდენტის დასწრება არის სავალდებულო და კარგი, დაგვეხმარება დასკვნის ჩამოყალიბებაში. თუ არ დაესწრება, ჩვენ ადგილზე თათბირით გადავწყვეტთ, როგორ მოვიქცევით, - ამის შესახებ საქართველოს საკონსტიტუციო სასამართლოს თავმჯდომარემ, მერაბ ტურავამ ჟურნალისტებს განუცხადა, რითაც პრეზიდენტის საიმპიჩმენტო წარდგინებაზე ისაუბრა.
საკონსტიტუციო სასამართლოში პრეზიდენტ სალომე ზურაბიშვილის ინტერესებს იურისტები თამარ ჩუგოშვილი და მაია კოპალეიშვილი დაიცავენ.
ომისა და ღალატის პარტიის წარმომადგენლებს უნდათ, ახალგაზრდებს გაუგზავნონ სიგნალი, ცდილობენ, რაღაც ტყუილებზე დაფუძნებული აღქმებით ჩართონ საპროტესტო მოძრაობებში და ამ მუხტის აწევაში შეუწყონ ხელი, ახალგაზრდები დარაზმონ ამისათვის, – ამის შესახებ ჟურნალისტებს ფრაქცია „ქართული ოცნების“ თავმჯდომარემ, მამუკა მდინარაძემ განუცხადა.
სუს-ი ყოველ ორშაბათს ტელესერიალივით ახალ სერიას გვთავაზობს რაღაც არარსებულ ფაქტებზე, ხოლო არსებულზე და მხილებულზე გასუსულია, - ამის შესახებ „ლელოს“ ერთ-ერთმა ლიდერმა, დეპუტატმა ანა ნაცვლიშვილმა „პალიტრანიუსის“ გადაცემა „360 გრადუსში“ განაცხადა, რითაც სუს-ის მიერ დღეს გავრცელებულ ინფორმაციას გამოეხმაურა.
შეკრებისა და მანიფესტაციების დროს დროებითი კონსტრუქციების მოწყობასთან დაკავშირებით კანონის გამკაცრებასა და ახალი ამკრძალავი ნორმების ამოქმედების შესახებ კანონპროექტის განხილვა ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე ხმაურის ფონზე მიმდინარეობდა.
სალომე ზურაბიშვილი სადაც უფრო ძლიერად გრძნობს თავს, იქ შეიძლება მივიდეს. თვითონ ჩათვლის, სასამართლოში უფრო მაგარია, როგორც იურისტი, თუ პარლამენტშია უფრო მაგარი, როგორც საქართველოს პრეზიდენტი, - ამის შესახებ “რესპუბლიკური პარტიის” ერთ-ერთმა ლიდერმა, დავით ბერძენიშვილმა განაცხადა.
რადგან სალომე ზურაბიშვილი ბელგიაში არ მიდის, მიდის პროცესზე, ასე გამოდის. „შემეშინდა“, რომ კონსტიტუციური დავის ფარგლებში არ დაჩაგროს ირაკლი კობახიძე, - ამის შესახებ ფრაქცია „ქართული ოცნების“ თავმჯდომარე, მამუკა მდინარაძემ განაცხადა.
უნიკალური შესაძლებლობები იხსნება ჩვენ წინაშე, რომლის ხელიდან გაშვებას მომავალი თაობები არ გვაპატიებენ. მე ვერ შევძელი უკრაინაში დიდი ომის თარიღების ზუსტი პროგნოზირება, მაგრამ რაღაც ძალამ ჩამომიყვანა საქართველოში, ამავე ძალამ გადამარჩინა 50-დღიანი შიმშილობის, განსაკუთრებით კი, მოწამვლის დროს, ეს მარწმუნებს, რომ ჩემს საქართველოში ყოფნას აქვს თავისი დატვირთვა და მიზანი ბოლომდეა მისაყვანი, – ამის შესახებ საქართველოს ყოფილი პრეზიდენტი მიხეილ სააკაშვილი სოციალურ ქსელში წერს.
ის დიფერენციაცია, რომელიც მოხდა საქართველოს, უკრაინასა და მოლდოვას შორის გასულ წელს, ნამდვილად არ აძლევს ხელს არც საქართველოს, არც საქართველოს ევროკავშირისკენ სვლას და არც დამსახურებული ყოფილა საქართველოსთვის ასეთი მიდგომა, - ამის შესახებ ევროპასთან ინტეგრაციის კომიტეტის თავმჯდომარემ, მაკა ბოჭორიშვილმა „ქრონიკაში“ განაცხადა.
