კახეთში ცოლ- ქმარს შორის დაწყებული დაპირისპირება ჩვილის გარდაცვალებით დასრულდა. შემთხვევა გურჯაანში, ვაჩნაძის ქუჩაზე ცოტა ხნის წინ მოხდა.

imedinews-ის ინფორმაციით, ქმარმა მეუღლეს ფიზიკური შეურაცხყოფა იმ დროს მიაყენა, როცა ქალს 8 თვის ჩვილი ხელში ეჭირა. დაპირისპირების დროს ბავშვი სავარაუდოდ ასფიქსიით გარდაიცვალა. ცხედარს ამ ეტაპზე სასამართლო-სამედიცინო ექსპერტიზა უტარდება.

შემთხვევის ადგილზე მობილიზებულია პოლიცია და მიმდინარეობს საგამოძიებო მოქმედებები. საქმეზე დაწყებულია გამოძიება.

გიორგი შაქარაშვილის ოჯახის წევრები ფეხბურთელის განზრახ მკვლელობაში ბრალდებულების უმკაცრესად დასჯას ითხოვენ.

მარტვილში, ჭყონდიდის ეპარქიაში მომხდარ ფაქტზე შინაგან საქმეთა სამინისტრომ გამოძიება დაიწყო.

გიორგი შაქარაშვილის განზრახ ჯგუფურად მკვლელობის საქმეზე მოსამართლე განაჩენს 9 მარტს 15:00 საათზე გამოაცხადებს.

მცხეთის რაიონული სასამართლოს თავმჯდომარე და მოსამართლე ბიძინა სტურუა განაჩენს 5 დაკავებულის მიმართ გამოაცხადებს, მათგან ორზე არასრულწლოვანთა მართლმსაჯულების კოდექსი მოქმედებს და განაჩენი დახურულ კარს მიღმა გამოცხადდება.

2020 წლის 19 ივნისს, დაახლოებით 11:00 საათზე გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ, სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები. 4-დღიანი უწყვეტი საძიებო სამუშაოების შედეგად მყვინთავებმა ფეხბურთელ გიორგი შაქარაშვილის ცხედარი წყალში იპოვეს.

ზუგდიდში ავტომობილი გაიტაცეს.

შემთხვევა გუშინ საღამოს გამსახურდიას ქუჩაზე მოხდა. წინასწარი ინფორმაციით, მანქანის მეპატრონეს, რომელიც თურქეთის მოქალაქეა, ავტომობილი რამდენიმე დღის განმავლობაში ქუჩაში ჰყავდა გაჩერებული. გუშინ, ადგილზე მისულს კი საკუთარი ავტომობილი აღარ დახვდა.

შინაგან საქმეთა სამინისტროს ცნობით, მომხდართან დაკავშირებით, გამოძიება 177-ე მუხლით დაიწყო, რაც ქურდობას გულისხმობს.

შინაგან საქმეთა სამინისტროს კახეთის პოლიციის დეპარტამენტის და თელავის რაიონული სამმართველოს თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო ღონისძიებების შედეგად, თელავში მომხდარი განზრახ მკვლელობის ფაქტი გახსნეს. ოჯახის სამი წევრის მიმართ დამამძიმებელ გარემოებაში ჩადენილი განზრახ მკვლელობის ბრალდებით დაკავებულია 1993 წელს დაბადებული ა.ა. ინფორმაციას შსს ავრცელებს.

4-თვიანი ძებნის შემდეგ 22 წლის გიორგი ნონაშვილი გარდაცვლილი იპოვეს.

„ეს იყო ის გრძნობა, რომელიც შეიძლება არსებობდეს ქალსა და მამაკაცს შორის და იყოს სათუთი და ბედნიერი“, - ასე აფასებს გორში არსრულწლოვანი გოგონას მიმართ გარყვნილი ქმედების ბრალდებით დაკავებული მამაკაცის ადვოკატი თამარ თედიაშვილი მისი დაცვის ქვეშ მყოფის ქმედებას.

შპს "თბილსერვის ჯგუფი" განცხადებას ავრცელებს, რომელშიც აღნიშნულია, რომ თბილისში სანიაღვრე ჭების სახურავების მოპარვის არაერთი შემთხვევა დაფიქსირდა, რაზეც დაწყებულია გამოძიება.

"სამწუხაროდ, ბოლო პერიოდის განმავლობაში, დედაქალაქის მასშტაბით, სანიაღვრე ჭების სახურავების მოპარვის არაერთი შემთხვევა დაფიქსირდა. ღია ჭები საფრთხეს უქმნის, როგორც ქვეითად მოსიარულეებს, ასევე, ავტომანქანების მძღოლებს.

აღნიშნულ ფაქტთან დაკავშირებით, უკვე დაწყებულია შესაბამისი საგამოძიებო მოქმედებები.

გამოძიების პარალელურად, "თბილსერვის ჯგუფის" თანამშრომლების მიერ ჭების დახურვის პროცესი მიმდინარეობს", – აცხადებს "თბილსერვის ჯგუფი".

შსს-ს იმერეთის სამმართველოს თანამშრომლებმა, ერთობლივად ჩატარებული ოპერატიული და საგამოძიებო მოქმედებების შედეგად, 1980 წელს დაბადებული გ.მ. ვანში დააკავეს. მას ბრალად სამსახურებრივ
საქმიანობასთან დაკავშირებით პოლიციელზე თავდასხმა ედება.

"მიმდინარე წლის 5 მარტს ვანის რაიონულ სამმართველოში შევიდა შეტყობინება, რომ არაფხიზელ მდგომარეობაში მყოფი კაცი თავის მოკვლას აპირებდა. სამართალდამცველებმა მიღებულ შეტყობინებაზე მყისიერი რეაგირება მოახდინეს და დაუყოვნებლივ მივიდნენ შემთხვევის ადგილზე.

სანადირო თოფით შეიარაღებულმა გ.მ.-მ., რომელიც თავის მოკვლას აპირებდა, პოლიციელების დანახვისთანავე, მათი მიმართულებით რამდენიმე გასროლა განახორციელა, რის შედეგადაც დაიჭრა ვანის რაიონული სამმართველოს თანამშრომელი. დაჭრილი პოლიციელი სასწრაფო სამედიცინო დახმარების ბრიგადამ საავადმყოფოში გადაიყვანა, სადაც მას შესაბამისი დახმარება აღმოუჩინეს.