მისი ერთ-ერთი ბოლო მომართვის ტექსტის შინაარსი - „ძალიან საწყენია, იმის გააზრება, რომ ქართველები ერთი ოლიგარქის ტყვეობაში მოექცნენ“ ჩემში „ქურდს ქუდი ეწვის“ ასოციაციას იწვევს, - წერს საჯარო მმართველობის დოქტორი თამთა მეგრელიშვილი რადას დეპუტატის დავით არახამიას ვიდეო მიმართვაზე.

წარმოშობით ქართველ არახამიას რუსული ბიზნესებისა და შემოსავლების გამო, მშობლიურ რუსულ ენაზე საუბრის დათმობა არამც და არამც არ სურს. გრიგოლ ვაშაძეს ასევე რუსული კულტურის, ენისა და ფსბ-ს საბუთის დათმობა, ლიაკასა და მის ოჯახს რუსული რუბლებისა დათმობა თურმე, იმისთვის სურს, რომ ვოლოდიამ ტანკი არ იყიდოს (ამ დროს ტანკს კი არ ყიდულობს მოსკოვი იქით ყიდის)! გია მარქარაშვილს (მარქაროვს) კი რუსი ბიზნესმენი მინდიას ფულებით ბინების ყიდვა დაუწყია!, ხოლო „ნაცპარტიის“ თავმჯდომარე ნაყოფიას - მისი კრემლის გენერალთა წილებზე მოცდენა. ამ დროს სხვებს თავს დასჩხავიან ეს რუსის პოლიტიკურ-სოციალურ-ეკონომიკური შვილები!, - ასე ეხმიანება ექსპერტი ედიშერ გვენეტაძე „შინ ევროპისკენ“ აქციის მონაწილეებს.

ერთადერთი ბიძინასთან ლაპარაკი შეიძლება, მას უნდა ვუთხრათ, რომ მის ფეხქვეშ მიწა იწვის და მოდი ვილაპარაკოთო, – ამის შესახებ პოლიტოლოგმა გია ხუხაშვილმა “ტვ პირველის” ეთერში რუსთაველის გამზირიდან განაცხადა, სადაც რამდენიმე წუთში საპროტესტო აქცია დაიწყება.

არ გამოვრიცხავ, რომ კანდიდატის სტატუსის არ მონიჭება ყოფილიყო ერთგვარი გარიგება იმ მიზეზით, რომ მოდით კავკასიაში, კიდევ ერთხელ, რუსეთი არ გავაღიზიანოთ,- ამის შესახებ ანალიტიკოსმა ლევან ნიკოლეიშვილმა „ქრონიკის“ ეთერში განაცხადა.

„პოლიტიკურ პროცესებს ოპონირებადი ძალა სჭირდება და ამ პოლიტიკურად დაავადებული ძალის გარდა ჯერ არ ჩანს არაფერი. ამათი სენი განუკურნებელია, განუკურნებელი და მოსაკვეთი“- წერს საჯარო მმართველობის დოქტორი თამთა მეგრელიშვილი სოციალურ ქსელში.

ყველა გულანთებულმა და პატრიოტმა ახალგაზრდამ უნდა იცოდეს, რომ რევოლუციებს ძირითადად ნგრევა და უბედურება მოაქვს, თანაც ქართული რევოლუციის დამგეგმავებს მაინცდამაინც დიდი გენიოსობა არც ეტყობათ და რაც მთავარია, იმაზე იფიქრონ, რომ თავი არ გამოაყენებინონ ავანტურისტებს, რომელთა რიცხვი არც ისე ცოტაა - წერს სოციალურ ქსელში არასამთავრობო ორგანიზაცია "ყოფილი პოლიტპატიმრები ადამიანის უფლებებისთვის" თავმჯდომარე ნანა კაკაბაძე.

მარიამ ლაშხის ასეთი გააფთრებული, დაუნდობელი ბულინგი, მით უფრო ქალების მონაწილეობით, უზნეობა იმიტომაცაა, რომ იგი ერთი მცირეწლოვანის დედაა და მეორეზეა ფეხმძიმედ - ამის შესახებ პარლამენტის თავმჯდომარის პირველი მოადგილე გიორგი ვოლსკი სოციალურ ქსელში წერს.

ძალაუფლებაზე დაგეშილ პოლიტიკოსთა გათვლა მზაკვრულია - ბიძინას ნეიტრალიზაციით ხელისუფლება ჩამოიშლება. ამიტომ ცდილობენ დასავლელი "პარტნიორები" და საქართველოს ავის მოსურნენი დაჟინებით ივანიშვილის სანქცირების მიღწევას და არჩევნებამდე (თუნდაც ვადამდელ არჩევნებამდე) ისეთი გარემოს შექმნას, რომ დღევანდელი ხელისუფლება ხალხის თვალში წარმავალ, ხოლო საკუთარი თავი - მომავალ ძალად წარმოაჩინონ. დასავლეთს არ აინტერესებს საქართველოში რა რეჟიმი იქნება, მთავარია აქ იყოს მათი ნებისმიერი სურვილის შემსრულებელი. დასავლეთი ხედავს, რომ დღევანდელი ხელისუფლება, საქართველოს დამაზიანებელ მოთხოვნებს არ თანხმდება - ამის შესახებ არასამთავრობო ორგანიზაცია „ყოფილი პოლიტპატიმრები ადამიანის უფლებებისთვის“ თავმჯდომარე ნანა კაკაბაძე სოციალურ ქსელში წერს.

“შედით ვიკიპედიაში და დატკბით უკრაინელი ოლიგარქების ჭრელი სიით, რომლებიც ამ მომენტამდეც ახორციელებენ ზეგავლენას ამა თუ იმ პოლიტიკურ ჯგუფებზე და უმაღლესი ხელისუფლების პირებზე - მაგრამ მათი დეოლიგარქიზაცია არ ხორციელდება. რადგან ეს კანონი მათ არანაირად არ შეეხო, ესე იგი არც ყოფილან ოლიგარქები?”- წერს ექსპერტი დავით ქართველიშვილი სოციალურ ქსელში.