პოლონელი მსახიობი ბარბარა ბრილსკა რუსეთ-უკრაინის ომზე კომენტარს აკეთებს და პირველად, ღიად საუბრობს, რუს ხალხზე. „ბედის ირონიის“ ვარსკვლავი ამბობს, რომ ამ სიტუაციით უბრალო ხალხი იჩაგრება და ეს რუსებს უნდა ესმოდეთ: „უბრალო ადამიანები რუსეთში იჩაგრებიან მათ გამო, ვისაც ფულის სანაცვლოდ, ძალაუფლების დათმობა არ უნდა, რუსებმა უნდა გაიგონ, რომ ამ ნაგავში ცხოვრება, რომელშიც ახლა ცხოვრობენ, არ შეიძლება“ – ამბობს ვარსკვლავი გამოცემა „აბზაცისთვის“ მიცემულ ინტერვიუში.

81 წლის მსახიობი დასძენს, რომ რუსეთში მხოლოდ ორ ქალაქში ცხოვრობს ხალხი კარგად, ესაა მოსკოვი და პეტერბურგი, დანარჩენ ქალაქებში კი, მსახიობის თქმით, გარეთ გასვლაც კი სამარცხვინოა. ცოტა ხნის წინ ბრილსკამ კომენტარი გააკეთა თავის კოლეგაზე, მსახიობ ლია ახეჯაკოვაზე. „სოვრემენნიკის“ თეატრიდან გაგდებულ მსახიობს ბრილსკამ მხარდაჭერა გამოუცხადა და თქვა, რომ ის „ღმერთისგან დაწყევლილი ხალხის“ აგრესიის მსხვერპლია.