ევროკავშირის უმაღლესმა წარმომადგენელმა საგარეო პოლიტიკისა და უსაფრთხოების საკითხებში გააფრთხილა ბელარუსი, არ განათავსოს რუსული ბირთვული იარაღი მის ტერიტორიაზე, რადგან ამ ნაბიჯმა შეიძლება გამოიწვიოს დამატებითი სანქციები.

აშშ-ის ყოფილი პრეზიდენტის, დონალდ ტრამპის მტკიცებით, ის რომ თეთრ სახლში ყოფილიყო, ვლადიმერ პუტინს უკრაინაზე თავდასხმის ნებას არ დართავდა, - ინფორმაციას BBC-ი ავრცელებს.

პუტინი ძალიან პროგნოზირებადია. ბელარუსში ტაქტიკური ბირთვული იარაღის განთავსების შესახებ განცხადების გაკეთებით ის აღიარებს, რომ წაგების ეშინია და რაც შეიძლება გააკეთოს არის ტაქტიკით შეშინება, - ამის შესახებ, უკრაინის პრეზიდენტის მრჩეველი, მიხაილო პოდოლიაკი „ტვიტერზე“ წერს.

უკრაინელებს შესაძლოა, გარკვეული ტერიტორიის დაბრუნება დიპლომატიის დახმარებით მოუწიოთ. ამის შესახებ აშშ-ის სახელმწიფო მდივანმა, ენტონი ბლინკენმა კონგრესში სიტყვით გამოსვლისას განაცხადა.

ჩემი პოზიციაა, რომ ეს ომი მალე უნდა დასრულდეს, თუნდაც ახლავე, გონივრული მოლაპარაკებების საფუძველზე. ამერიკის პოზიციაა: არა, ამ ომის დასრულების ერთადერთი გზა პუტინის დამარცხებაა. ჩემი აზრით, ეს არის როგორც არასწორი, ისე სრულიად არარეალისტური - კოლუმბიის უნივერსიტეტის პროფესორმა, ეკონომისტმა ჯეფრი საქსმა ერთ-ერთ სლოვენიურ სატელევიზიო არხთან ინტერვიუში რუსეთ-უკრაინის ომზე საუბროისას განაცხადა.

გულწრფელად გითხრათ, უკრაინა არც კი არის ყურადღების ცენტრი. უკრაინა ფიქრობს: ეს ომი ჩვენზეა - არა, ეს არის ომი, პირველ რიგში რუსეთის დასუსტებისთვის, სადაც უკრაინაა გაჭედილი და კარგავს ასობით და ათასობით ადამიანს თუ ქალაქს, რაც საშინელებაა. მაგრამ ეს [ომი] არც არის უკრაინაზე - ელიტების გაუკუღმართებულ აზროვნებაში ეს არის ჩინეთზე.“- ამის შესახებ ამერიკელმა ეკონომისტმა, პროფესორმა ჯეფრი საქსმა ერთ-ერთ ინტერვიუში განაცხადა, სადაც უკრაინაში მიმდინარე ომის მოვლენები შეაფასა.

ყოველ რუს მკვლელს უნდა ესმოდეს, რომ დაპატიმრების ორდერი საუკეთესო რამეა, რაც შეიძლება დაემართოს. ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში განაცხადა.

კრემლის პროპაგანდისტმა მარგარიტა სიმონიანმა რუსული ახრის სატელევიზიო ეთერში წამყვანის მიერ დასმულ კითხვას უპასუხა, რას ისახავდა მიზნად საქართველოზე მის მიერ დაწერილი სტატუსი. სიმონიანის თქმით, ის სტატუსის წერისას, ქართველი მეგობრის რჩევით ხელმძღვანელობდა:
როცა ჩემს სტატუსს ვწერდი საქართველოში მიმდინარე საპროტესტო აქციებზე, წავუკითხე ჩემს ქართველ მეგობარს, რომელსაც მოსკოვში აქვს ბიზნესი, მაგრამ ოჯახი იქ ჰყავს, მან მითხრა, მაგარი სტატუსიაო.

სავსებით შესაძლებელია, წარმოვიდგინოთ ჰააგის სასამართლოს შენობაზე ჩრდილოეთის ზღვაში მდებარე რუსული ხომალდიდან „ონიქსის“ ზებგერითი რაკეტის წერტილოვანი გამოყენება, – ამის შესახებ რუსეთის ფედერაციის უშიშროების საბჭოს თავმჯდომარის მოადგილემ, დიმიტრი მედვედევმა განაცხადა.

ჩინეთსა და რუსეთს ბევრი საერთო ამოცანა აქვთ. ყურადღებით გავეცანი უკრაინაში სიტუაციის დარეგულირების ჩინეთის მიერ შემოთავაზებულ გეგმას, ჩვენ ყოველთვის ღია ვართ მოლაპარაკების პროცესისთვის, – ამის შესახებ რუსეთის პრეზიდენტმა, ვლადიმერ პუტინმა ჩინეთის პრეზიდენტთან, სი ძინპინთან შეხვედრისას განაცხადა.