საქართველოს შინაგან საქმეთა სამინისტროში აცხადებენ, რომ ცალკეულ აბონენტებს UCKEBA-ს სახელით დაეგზავნათ მოკლე ტექსტური შეტყობინებები, თითქოს კომენდანტის საათის დარღვევის გამო დაჯარიმდნენ, ეს ტექსტური შეტყობინებები არ არის გაგზავნილი შინაგან საქმეთა სამინისტროს მიერ.

საქართველოს ეკონომიკისა და მდგრადი განვითარების მინისტრის, ნათია თურნავას განცხადებით, საქართველოში წარმოებული პირბადეები სააფთიაქო ქსელებში, სავარაუდოდ, შემდეგი კვირიდან გამოჩნდება. ამის შესახებ მინისტრმა „პალიტრანიუსის“ გადაცემა „საღამოს ნიუსრუმში“ განაცხადა.

ახალი კორონავირუსით დაინფიცირების შედეგად, იტალიაში, ბოლო 24 საათის განმავლობაში, 760 ადამიანი გარდაიცვალა და მთლიანობაში გარდაცვლილთა რიცხვი 13 915-მდე გაიზარდა. ახალი სტატისტიკური მონაცემები worldometers -ზეა გამოქვეყნებული.

დაავადება COVID-19-ის გამომწვევი კორონავირუსი SARS-CoV-2 სასუნთქ სისტემას აზიანებს. თუ ვირუსი ფილტვებში მოხვდა, იმუნური სისტემის მწვავე პასუხს იწვევს, რაც შესაძლოა, შემდეგ პნევმონიაში გადაიზარდოს ან სულაც პაციენტის სიკვდილი გამოიწვიოს. შოტლანდიაში, დანდის უნივერსიტეტის მკვლევრებმა SARS-CoV-2-ის მიერ წარმოქმნილი 28 ცილა აღმოაჩინეს, რომლებიც ადამიანის სხეულში იმუნურ პასუხს იწვევენ. ეს ცილები დიაგნოსტირებისა და ვირუსის შესწავლისთვის სასიცოცხლოდ მნიშვნელოვანი საკვლევი იარაღია.

რუმინეთში ექიმები, მედდები და სამედიცინო პერსონალის წარმომადგენლები, რომლებიც „კოვიდ-19“-თან ბრძოლაში არიან ჩართული, ხელფასთან ერთად ბონუსსაც მიიღებენ, – „ალჯაზირას“ ინფორმაციით, ამის შესახებ განცხადება ქვეყნის პრეზიდენტმა, კლაუს იოჰანესმა გააკეთა.

2 აპრილის, 18:00 საათის მდგომარეობით, StopCoV ფონდში მობილიზებულმა თანხამ 21 მლნ 100 ათასი ლარი შეადგინა.

ირანის პარლამენტის თავმჯდომარეს, ალი ლარიჯანს „კოვიდ-19“ დაუდასტურდა. ინფორმაციას „გარდიანი“ ავრცელებს.

კალიფორნიაში, საკრამენტოს ოლქში კორონავირუსის შემთხვევების ერთი მესამედი ეკლესიებთან არის დაკავშირებული, – ინფორმაციას „სიენენი“ ქვეყნის ჯანდაცვის დეპარტამენტზე დაყრდნობით ავრცელებს.