სოციალ-დემოკრატების შეხვედრაზე დემონსტრანტებმა გერმანიის კანცლერს სიტყვით გამოსვლა შეძახილებით შეაწყვეტინეს. ამის შესახებ „რადიო თავისუფლება“ წერს.

აშშ-ის საელჩო ყურადღებით აკვირდება იმ პირთა საქმეებს, რომლებიც 2 ივნისს პარლამენტის წინ მშვიდობიანი აქციის დროს დააკავეს, - ამის შესახებ ინფორმაციას ამერიკის შეერთებული შტატების საელჩო სოციალურ ქსელში აქვეყნებს.

"როგორც ყოველთვის სისუსტე აქვს, სულ ერთი და იგივე პოზაში წევს. რამდენჯერმე აწონეს, ბოლოს 61-62 კგ თამაშობდა და ახლა აღარ ვიცი მართალი გითხრათ. [პოლონელ ექიმებზე] რაღაც მოძრაობა არის თითქოს, დიდი იმედი მაქვს, რომ შეიძლება, მომდევნო კვირას ეს უკვე შედგეს, იმედი მაქვს".

საქართველოს დამნაშავე პრეზიდენტი არ ჰყოლია. თურმე, რაღაც სამაჯური უნდა ჰქონდეს და ა.შ. სამაჯური და ალიკაპი გაუკეთონ ირაკლი კობახიძეს და ირაკლი ღარიბაშვილს, - ასე გამოეხმაურა „ერთიანი ნაციონალური მოძრაობის“ თავმჯდომარე ლევან ხაბეიშვილი საქართველოს პრეზიდენტის, სალომე ზურაბიშვილის ინტერვიუს ფრანგულ ტელეარხ France 24-თან.

ყველა ვთანხმდებით, რომ მიხეილ სააკაშვილი არის პუტინის პირადი ტყვე, - ამის შესახებ მესამე პრეზიდენტის, მიხეილ სააკაშვილის ძმამ, გიორგი სააკაშვილმა „ინტერპრესნიუსს“ კლინიკა „ვივამედთან“ განუცხადა,სადაც მიხეილ სააკაშვილის გათავისუფლების მოთხოვნით აქცია გაიმართა.

„საბედნიეროდ პაატა მანჯგალაძის ქცევის ავკარგიანობაზე არ არის დამოკიდებული საქართველოს პროგრესი. ეს ძალიან კარგი ამბავია იმიტომ, რომ რეალურად ეს უპასუხისმგებლო დამოკიდებულებები, რომელსაც ხშირ შემთხვევაში ოპოზიცია ავლენს, ამ შემთხვევაში ვგულისხმობ იმას, რომ მათი არჩეული სტრატეგიაა ის, რომ რეკომენდაციების შესრულებას, ევროინტეგრაციას ხელი შეეშალოს იმისთვის, რომ ეს დაბრალდეს ხელისუფლებას და ეს გამოიყენონ პოლიტიკურ ბატალიებში. ეს არის მათი ამოცანა და დღის წესრიგი.“- ამის შესახებ ადამიანის უფლებათა კომიტეტის თავმჯდომარემ, მიხეილ სარჯველაძემ 12 რეკომენდაციის შესასრულებლად სამუშაო ჯგუფებში ოპოზიციის მონაწილეობაზე და მათ პასუხისმგებლობაზე საუბრისას განაცხადა.

საქართველოს პროკურატურამ ხელვაჩაურის მუნიციპალიტეტში, დამამძიმებელ გარემოებებში მომხდარი ოჯახის წევრის განზრახ მკვლელობის ფაქტზე, ერთ პირს ბრალდება წარუდგინა.

საქართველოს მესამე პრეზიდენტის, მიხეილ სააკაშვილის გათავისუფლების მოთხოვნით „ნაციონალური მოძრაობის” წევრები და მხარდამჭერები კლინიკა „ვივამედთან” აქციას მართავენ.

„ნაციონალური მოძრაობის“ ცალკეული დაჯგუფებების მხრიდან, აქტივობებს, რომელიც უკავშირდება სააკაშვილის გათავისუფლების მოთხოვნას, მაგალითად, აქციების გამართვას თუ მაისურით სიარულს, რომელზეც აღბეჭდილია ლოზუნგი, ორი ფუნქცია აქვს: ერთი არის ის, რომ ამ დაჯგუფებებმა ერთმანეთთან მიმართებით უპირატესობა მოიპოვონ და შესაბამისად, თავიანთ ელექტორატში გაზარდონ საკუთარი პოპულარობა იმ თვალსაზრისით, თუ ვინ უფრო მეტად აქტიურია სააკაშვილის გათავისუფლების მოთხოვნაში, - ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, მიხეილ სარჯველაძემ ჟურნალისტებს განუცხადა.

„შარშან ზაფხულში მიღებული გადაწყვეტილების შემდეგ გამოქვეყნდა ევროკომისიის და ევროპული სტრუქტურების შეფასებები, რომლითაც დასტურდებოდა ერთმნიშვნელოვნად, რომ საქართველოს აქვს გაცილებით უკეთესი მაჩვენებლები მოლდოვასთან და უკრაინასთან შედარებით და შესაბამისად თუკი რომელიმე მათგანი იმსახურებდა, დამსახურებაზე დაფუძნებული გადაწყვეტილების მიღების შემთხვევაში კანდიდატის სტატუსს- ეს იყო საქართველო“- ამის შესახებ საპარლამენტო უმრავლესობის წევრმა მიხეილ სარჯველაძემ ჟურნალისტებთან განაცხადა.

იურისტებისთვის არსებობს მარტივი რამ - არსებობს გამოხატვის თავისუფლება და არსებობს წესრიგის დაცვის მოვალეობა, რომელიც დაბალანსებული უნდა იყოს. ეს იმას ნიშნავს, რომ თუ გამოხატვის თავისუფლება ცდება მართლზომიერების ფარგლებს, ამ შემთხვევაში, ეს მოითხოვს აღკვეთას და პასუხის გაცემას სამართალდამცავი სტრუქტურების მხრიდან - ამის შესახებ ჟურნალისტებს უმრავლესობის წევრმა მიხეილ სარჯველაძემ განუცხადა.

"ზოგადად ყველაფერში და განსაკუთრებით პოლიტიკაში, ყველაზე მნიშვნელოვანი არის კონტექსტი, არცერთი მოცემულობა არ არსებობს კონტექსტის გარეშე რა კონტექსტში ვართ?! - მთელი მსოფლიოს განვითარებული ნაწილი უპრეცედენტოდ უჭერს მხარს საქართველოს, რომ ევროატლანტიკური სივრცის წევრი გავხდეთ, ყველა სახელმწიფო დისტანცირდება რუსეთისგან და ამ დროს, ამ კონტექსტში, საქართველოს მთავრობა თითზე ჩამოსათვლელ ქვეყნებთან ერთად ყველაფერს აკეთებს, რომ დაუახლოვდეს რუსულ პოლიტიკას და გახდეს მისი ნაწილი, მაგრამ ამ ყველაფერს ქართველი ხალხის გვერდის ავლით აკეთებს და მეტიც, საკუთარი ამომრჩევლის დიდი ნაწილის ნებასაც არ გამოხატავს. - ამის შესახებ "ნაციონალური მოძრაობის" ყოფილმა თავმჯდომარემ ნიკა მელიამ გადაცემაში "პოლიტიკური ამბები" განაცხადა.