რუსმა ოკუპანტებმა განაცხადეს, რომ ნოვოპავლოვსკის მიმართულებით კრასნოგორივკას ცენტრში მდებარე ქარხნის საყრდენი პუნქტი დაიკავეს. თუმცა უკრაინის შეიარაღებული ძალების ოპერატიულ-სტრატეგიული ჯგუფის წარმომადგენელმა ნაზარ ვოლოშინმა უარყო ინფორმაცია იმის შესახებ, რომ ქალაქი მტერმა აიღო და აღნიშნა, რომ ქარხანაში მყოფი ტერორისტები უკრაინის შეიარაღებული ძალების კონტროლის ქვეშ იმყოფებიან. 

მისივე ცნობით, მტერი ცდილობს, დასახლებაში მცირე ჯგუფებად შტურმი მოაწყოს, თუმცა უკრაინის ჯარები ქალაქში რუსეთის შეიარაღებული ძალების შეღწევის მცდელობებს ანადგურებენ. 

„მტრის ჯგუფების ნაწილი, რომლებმაც შიგნით შეაღწიეს და ქარხნის ტერიტორიაზე დამალვა მოახერხეს, ჩვენი ცეცხლის კონტროლის ქვეშ არიან. იქიდან მტრის გამოსაყვანად ყველა ზომა მიღებულია“, - თქვა სპიკერმა.

მისი თქმით, ქალაქი უკრაინული შენაერთების კონტროლს ექვემდებარება, „მიუხედავად იმისა, რომ მტრის რუსული პროპაგანდა პერიოდულად აქვეყნებს ინფორმაციას იმის შესახებ, რომ მათი ჯარი ქალაქში შევიდა და  ფეხი მოიკიდა. მტერს ბოლო დღეებში ტერიტორიული წარმატება არ ჰქონია”.

სამხედროს განცხადებით, რუსები, რომლებმაც კრასნოგორივკაში შეაღწიეს, ახლა რთულ მდგომარეობაში არიან, რადგან ისინი საბრძოლო მასალითა და ჯავშანტექნიკით მხარდაჭერას მოკლებულები არიან.